📢 التظلم على نتيجة الثانوية العامة 2025.. فرصة تانية لازم تستغلها!
بعد إعلان نتيجة الثانوية العامة 2025، في طلاب كتير حاسين إنهم اتظلموا في التصحيح، ودرجاتهم مش اللي كانوا متوقعينها. لو أنت من الطلاب دي، يبقى لازم تقرأ المقال ده كويس، لأن التظلم ممكن يكون فرصتك الذهبية.
✅ يعني إيه تظلم على النتيجة؟
هو طلب رسمي بتقدمه علشان تراجع ورقة إجابتك وتشوف إذا كان في خطأ في التصحيح أو تجميع الدرجات.
تقدر تدخل علي موقع التظلمات من هنااااااااااااااااااااااااااااااااا
📅 مواعيد تقديم التظلمات 2025:
-
التقديم بيبدأ من تاني يوم إعلان النتيجة ولمدة 15 يومًا فقط.
-
التقديم بيكون في مقرات محددة على مستوى الجمهورية، وبتبدأ من الساعة 9 صباحًا.
📍 أماكن تقديم التظلمات حسب المحافظات:
🔸 القاهرة الكبرى:
-
المدينة التعليمية بـ6 أكتوبر لطلاب: القاهرة، الجيزة، القليوبية، بني سويف، المنوفية، الفيوم.
🔸 الإسكندرية:
-
بجوار استاد الإسكندرية لطلاب: الإسكندرية، البحيرة، مطروح، الغربية، كفر الشيخ.
🔸 شرق الدلتا:
-
مدرسة المنصورة الثانوية بنين بشارع أحمد ماهر، لطلاب: الدقهلية، الشرقية، دمياط.
🔸 مدن القناة:
-
لجنة النظام والمراقبة بقطاع الإسماعيلية، لطلاب: بورسعيد، السويس، الإسماعيلية، شمال وجنوب سيناء.
🔸 شمال الصعيد:
-
مدرسة ناصر الثانوية العسكرية بأسيوط، لطلاب: المنيا، أسيوط، سوهاج، الوادي الجديد.
🔸 جنوب الصعيد:
-
قطاع قنا بجوار مستشفى الهلال، لطلاب: قنا، الأقصر، أسوان، البحر الأحمر.
📝 خطوات التظلم بالتفصيل:
-
الطالب بيتوجه للمكان المخصص في محافظته.
-
بيدفع رسوم التظلم (قد تكون حوالي 200 جنيه للمادة، حسب إعلان الوزارة).
-
بيحصل على صورة ضوئية من كراسة الإجابة.
-
بيقارنها بالإجابة النموذجية.
-
لو لقى الطالب إن عنده درجات ناقصة، بيكتب ملاحظاته بخط إيده في النموذج المخصص.
-
بيتم فحص التظلم بواسطة لجنة مختصة.
⚠️ أسئلة مهمة عن التظلم:
- هل ممكن التظلم يقلل درجاتي؟
لأ طبعًا. التظلم إما يزود درجاتك أو تفضل زي ما هي.
- هل التظلم فعلاً بيجيب نتيجة؟
في طلاب كتير كل سنة بيرجع لهم درجات بسبب أخطاء في التصحيح أو التجميع، فـ آه، ليه لأ؟
- إمتى النتيجة بتتعدل؟
لو ثبت وجود خطأ، بيتم تعديل النتيجة فورًا، وبيتحدث بيان الدرجات في المدرسة.
🧠 نصائح مهمة:
-
راجع المادة اللي شاكك فيها قبل ما تقدم تظلم.
-
التزم بالتواريخ والتعليمات.
-
احتفظ بالإيصالات وكل الأوراق.
💬 كلمة أخيرة:
لو حاسس إنك اتظلمت، متسكتش. التظلم حقك، وممكن يكون هو اللي يرجعلك درجات تفرق معاك في التنسيق.
🎓 شارك المقال مع زمايلك وخلي الكل يعرف حقوقه 💪